天文台道8号│精选团年必食餐厅@Dining娜

(Presented by 8 Observatory Road)

Photo: Mark

转眼又到农历新年，大时大节酒楼食肆好易爆满，谂住出街食 团年 饭慨依家系时候book定台！讲到揾食，我Dining娜有新蒲点想介绍俾大家，平时去尖咀食饭嚟嚟去去都系几个大商场，其实行入少少慨天文台道8号先卧虎藏龙，系高级食肆集中营，中菜、西餐、法国菜、日式料理、火锅、Bar & restaurant样样齐，大家庭坐满一围食餐传统团年饭又得，饭前饭后揾个地方倾偈饮嘢，欣赏维港景致亦得。

中菜以外的 团年 选择

年年千篇一律食中菜总会觉得闷， 团年 慨意义都系一家人聚埋一齐，开开心心食餐饭者，如果唔系咁执著要食传统意头菜，天文台道8号其实有好多食肆可以拣，有西班牙菜、有日式居酒屋、有火锅店……点都有间啱你心水！

囍锅蒸气火锅专门店

囍锅特别之处系有全港首创慨即蒸点心，每日鲜制慨虾饺烧卖用蒸气石锅即蒸即食，够晒新鲜热辣！仲有，平时肥牛都系烚吓烚吓多，估唔到蒸嚟食仲更加原汁原味，海鲜控就记得唔好错过蒸海鲜同空运刺身。

海鲜全部都系即点即，够晒新鲜生猛呀！The Drunken Pot 酒锅

顾名思义主打酒同火锅，酒系指自家品牌慨Sake同清酒炸弹，锅包括最普遍慨“打边炉”、蒸锅同埋招牌酒锅。由1月23日至2月13日，餐厅限定推出多款色香味俱全慨新春意头菜，私心推介捞起、酒锅运财四宝、包罗万有福袋同金银满屋。

酒锅运财四宝

嚟到酒锅点可以唔试镇店之宝“酒锅”，新春限定版配料更丰富，有鸡有鱼够晒应节。餐厅设计以渔市场为概念，颜色鲜明，充满艺术感，喺度食嘢同时有齐视觉同味觉享受。椰林春天

呢间有2样系必试慨，第一椰子鸡煲，第二系煲仔饭！椰子鸡煲分别有原味、竹笙、野生菌及野生水鱼4款口味，汤底冇落任何味精或添加剂，好有住家风味；煲仔饭可以拣2-4人分量或者6-8人分量，精髓系饭底用泰国油粘细米煮，特别香糯软熟，淋上面慨豉油系自家制，充份突显到煲仔饭慨味美。

原味椰子鸡煲

汤底用泰国椰子水煲，清甜带淡淡椰香，可以点埋和牛片、手打丸等配料当火锅食。皇上皇腊味瓦煲饭

咁多款煲仔饭入面以腊味煲仔饭最受欢迎，依家冬天食就最暖胃喇。八号居酒屋

有别于平时去开慨日式居酒屋，呢间楼底高、空间感十足，感觉摩登时尚。八号居酒屋慨下酒菜主打炉端烧，大厨不时会推出时令菜式，好似名古屋鸡翼、和羊风炸鸡、大虎虾配海胆酱呢啲都系招牌人气小食。

免治鸡肉串

就咁食都好够味，蘸埋生鸡蛋同酱油又系另一种风味。座位之间够晒阔落，坐得好舒服。Playa de Papagayo

主打亲民价西班牙Tapas，设有outdoor座位，装修以天蓝色为主，洋溢异国度假风情。食物方面偏向Fusion菜系，卖相同味道都俾到人耳目一新慨感觉。

Spanish Octopus Carpsccio with Beetroot Pearls and Rosemary Dressing

八爪鱼切成薄片刺身，红色一粒粒系红菜头珍珠，加埋酸酸甜甜慨酱汁一齐食好开胃。Playa de Papagayo一名源自西班牙度假小岛，所以餐厅装潢都以度假风为主。Maison Eight

Fine Dining与Bar的结合，一边系酒吧Salvatore，另一边系高级法国餐厅Esmé，除咗有Live music，露台位置仲可以饱览维港景致，食完饭可以过隔离一边欣赏夜景，一边把酒谈心。

Weekend过嚟食brunch都唔错天台无敌靓景，啱晒一家人食完饭上嚟饮酒倾偈。团年必备意头菜

如果屋企人比较传统，讲究菜式够唔够好意头慨，咁就带佢哋去中菜馆叫围新春意头菜啦，寓意将啲好运食晒落肚，有美好新一年嘛！金装尚品同景逸轩分别都有供应新春菜式，2间各有特色，偏好传统贺年菜可以拣前者，钟情新派中菜就拣后者。

金装尚品

金装尚品系专做中式婚宴慨场所，冇耐前先荣获最佳婚宴场地品牌，食品质素毋庸置疑，招牌菜包括椒盐豆腐及叉烧皇。今年金装尚品推出咗５款新春盛宴，由基本意头菜到鲍参翅肚都有，丰俭由人。

好市添珠宝(前)、金玉满华堂(后)

好市添珠宝即是发菜蚝豉柱脯，而金玉满华堂就系百花酿原枝海参，都系必备慨传统意头菜。景逸轩

同样系中菜食府，不过景逸轩走慨系新派中菜路线，所以装潢方面比较时尚典雅。除咗一系列卖相精致、用料上乘慨新派粤菜，餐厅亦有供应传统广东小炒同点心。

浓汤紫薯花胶浸菜苗

好创新慨配搭，花胶吸晒浓汤精华够入味，配上甜甜地慨紫薯令整体味道更丰富。石榴窝巴明虾球

虾球以窝巴配搭，加上石榴汁，卖相清新，窝巴做得比较薄身，脆口得嚟唔会硬，虾球又够鲜甜爽口，一啖一件啱啱好。饭前饭后小聚

食团年饭要等齐人，早到咗可以去Starbucks坐低叹杯咖啡先。食完饭想揾个地方继续吹水都有推介，6楼GEDA Bar & Restaurant有酒饮有小食，仲开到凌晨3点，坐耐啲都冇问题！

GEDA Bar & Restaurant（Opening Soon）

GEDA慨小食意想不到地出色，味道同卖相都好有高级餐厅水准，的确有惊喜。老板透露，嚟紧开张会推出嘉士伯啤酒买一送一优惠，夜晚6至9 happy hour时段更加全场酒精饮品买一送一，坚抵饮！

香煎法国鹅肝多士伴玉桂苹果茸

咁精致慨摆盘，唔讲真系以为自己去咗高级西餐厅食饭。秘制三色肠拼盘（前）、北京烤鸭薄饼（后）

三色肠同Pizza呢啲咸香小食用嚟送啤酒真系一流！场内有桌球、Beer Pong可以玩，仲有多部高清大电视，坐边个位都可以清楚睇到波，够晒贴心。Starbucks Coffee

呢间唔使介绍啦，最近新推出咗黄金芝麻焦糖脆趣鲜奶咖啡、海盐焦糖脆脆朱古力咖啡2款焦糖味咖啡，仲有一系列鸡年特别版product，未齐人时可以入去坐吓叹杯咖啡，选购住限定商品先。

2款焦糖味咖啡只供应到2月21日，要试趁早喇！

天文台道8号

地址：尖沙咀天文台道8号

备注：停车场内每个车位均设有电动车充电装置，B2及B3楼并设有6个中速充电站。

网址：http://8observatoryroad.com/

相关文章:

居港日本人试尽香港美食 教日本人“ Show Me Your Love饭 ”

洗衣机污糟过马桶？教你3招天然DIY 洗衣机清洗法

【5分钟懒人操】减走“豪华臀”！轻松6式 减臀 动作